Chupan ronojel ri tinamït chi k’o pa ri nik’aj ruwachulew re’, yalan k’ayew rub’anon wakamin ri Iximulew. K’iy juna’ ri xya’on pe ri lab’äl, ri kamisanïk, chuqa’ ri eleq’anïk roma ri ajkaxlani’. Roma ri’ janila e meb’a'i’ ri qawinäq, majun k’o ta kik’uqub’ab’äl k’u'x. Stape’ jub’a’ ma konojel e Mayab’ winaqi’ chuqa’ yecho’n pa ri taq Mayab’ chab’äl, majun k’o ta samaj pa ruwi’ ri kik’aslem o ri kiyab’ilar nukusaj kich’ab’äl.
Ja la Wuqu’ Kawoq jun k’ak’a samaj xtikir ri 12 B’aqtun, 19 K’atun, 13 Tun, 16 Winäq, 19 Q’ij (chupan ri cholq’ij ri Wuqu’ Kawoq; chupan ri kaxlan cholq’ij 1 Enero 2007). Xtikir koma jujun samajela’ aj näj xkajo’ xesamaj kik’in ri aj wawe’. Naqanojij chi ri Mayab’ k’aslemal chuqa’ ri aq’omanïk e junam. Nk’atzin ri ka’i’. Toq Yeqaban to’ob’al pa ruwi’ raxnaqil kisajïk ri nab’ey ch’ab’ äl, rik’in kiraxnaqil ixoqi’, ak’wala’, chuqa’ winaqi kik’in yab’il jantape’. Yeqaraq’al ri taq Mayab’ aq’omanela’ chuqa’ k’exeloma’, nqab’an k’iy samaj pa ruwi ri raxnaqil pan Ixim Ulew tzanjay, chuqa’ nqakasoj ri ojer na’oj pa ruwi’ ri aq’om, chuqa’ yeqasamäj kik’in taq q’ataj kik’in kaponib’äl junam.
